ಆ ದಂಡೆ – ಈ ದಂಡೆ

ಆ ದಂಡೆ – ಈ ದಂಡೆ – Translated by Basvachar. S 

ಮೊಬೈಲ್ ಅಲಾರಾಮ್ ಹೊಡೆದಮೇಲೆ ಅದನ್ನು ನಿಲ್ಲಿಸಿ ಇನ್ನೂ ಐದು ನಿಮಿಷ ನಿದ್ರೆ ಮಾಡುವುದು ಅವಳ ಅಭ್ಯಾಸ. ನಡುಮನೆಯಿಂದ ಒಳಗೆ ಬಂದ ಅವಳ ತಂಗಿ ಪಕ್ಕದ 3 ಮನೆಗೆ ಕೇಳುವ ಹಾಗೆ ಕೂಗಿ ಎಬ್ಬಿಸಿದಳು. ಎರಡು ದಿನದ ಹಿಂದೆ ಹಾಕಿಸಿಕೊಂಡ ಸರಕಾರದ ಇಂಜೆಕ್ಷನ್ಗೆ ಮೈಯಲ್ಲಾ ಮುಪ್ಪಾಗಿತ್ತು. ಎಡಗೈಗೆ ನಿನ್ನೆ ಹಿಡಿದಿದ್ದ ನೋವು ಇನ್ನು ಬಿಟ್ಟಿಲ್ಲ. ಎರಡು ಮೂರು ಸಲ ಕೈ ಜಾಡಿಸಿ ಬೇಗ ಬೇಗ ತಯಾರಾದಳು, ಅವಳಿಗಿಂತ ಮೊದಲೇ ತಯಾರಾಗಿದ್ದ ತಂಗಿ ಇವಳಿಗೂ ಬುತ್ತಿ ಕಟ್ಟ, ಅವಳದು ಮಾತ್ರ ತೆಗೆದುಕೊಂಡು ಸ್ನೇಹಿತರೊಡನೆ ಮುಂದೆ ಹೋಗಿದ್ದು ಇವಳಿಗೆ ಹೊಸತೇನೂ ಅಲ್ಲ. ಮೆನ್ ರೋಡಿನಲ್ಲಿ  ಇನ್ನೊಬ್ಬರ ಜೊತೆ ಬಸ್ಸಿಗಾಗಿ ಕಾಯುವಾಗ, ಪಕ್ಕದಂಗಡಿಯಲ್ಲಿ ಟೀ ಕುಡಿಯುತ್ತಿದ್ದ ಅಪ್ಪ ಇವಳನ್ನು ನೋಡಿ ಉಳಿದ ಅರ್ಧ ಟೀ ಕುಡಿದು ಮುಂದೆ ಬಂದು ನಿಂತುಕೊಂಡ. ಬರುವುದು ಬೇಡ ಅಂತ ಎಷ್ಟೇ ಕೈ ಸನ್ನೆ ಮಾಡಿದ್ರು, ಮುದುಕ ಕೈ ಬಾಯಿ ಒರೆಸಿಕೊಂಡು ಹತ್ತಿರ ಬಂದು ನಿಂತ. ಇಷ್ಟರಲ್ಲೆ ಬಸ್ಸು ಬರಬೇಕಿತ್ತು ಲೇಟ್ ಆದ್ರೆ ಅಟೆಂಡನ್ಸ ತಪ್ಪೋದು ಗ್ಯಾರೆಂಟಿ. ಬೇಡ ಬೇಡ ಅಂದ್ರು ಅಪ್ಪ ದಿನಾ ಜೊತೆ ಬರೋದು ಬಿಟ್ಟಿಲ್ಲ, ಯಾಕೆ ಬೇಕಿತ್ತು ಈ ಇಳಿ ವಯಸಲ್ಲಿ ಇವನಿಗೆ ಸುಮ್ಮನೆ ಮನೆಯೊಳಗೆ ಬೆಚ್ಚಗೆ ಮಲ್ಕಳೋದು ಬಿಟ್ಟು. ಅಂತ ಹೇಳುವ ಹೊತ್ತಿಗೆ ಹಳ್ಳ ಬಿದ್ದಿರೋ ರೋಡಲ್ಲಿ ಬಸ್ಸು ಬಂದು ಮುಂದೆ ನಿಂತಿತು, ಇನ್ನು ಬೆಳಿಗ್ಗೆ ಆದದ್ರಿಂದ ಬಸ್ಸು ಖಾಲಿ ಖಾಲಿಯಾಗಿತ್ತು. ಇವಳು ಮುಂದಿನ ಸೀಟಿನಲ್ಲಿ ಕೊತುಕೊಂಡರೆ ಅವನು ನಾಲ್ಕು ಸೀಟು ಬಿಟ್ಟು ಹಿಂದೆ ಕುಳಿತ. ಎಲ್ಲರು ಅವಸರದಲ್ಲಿ ಗಾರ್ಡನ್ ಮುಂದೆ ಬಂದುದ ನಿಂತಿದ್ರು. ಒಂದು ಕೈಯಲ್ಲಿ ಟಿಫನ್ ಚೀಲ ಮತ್ತೊಂದು ಕೈಯಲ್ಲಿ ಉದ್ದನೆಯ ಕಸಪೊರಕೆ ಮೈಮೇಲೆ ಗರ್ವನಮೆಂಟ್ ಕೊಟ್ಟಿದ್ದ ಹಸಿರು ಕೋಟು ಹಾಕಿಕೊಂಡು, ಲೈನನಲ್ಲಿ ನಿಂತು ಕೈಗೆಲ್ಲಾ ಸ್ಯಾನಿಟೈಸರ್ ಹಾಕ್ಕೊತ್ತಿದ್ರು. ಹಿಂದಿನ ಐದು ತಿಂಗಳಿಂದ ಗರ್ವನಮೆಂಟು ಸಂಬಳ ಕೊಟ್ಟಿಲ್ಲ ಅಂತ ಚಿಂತೆಯಲ್ಲಿದ್ದರೆ, ಇನ್ನೊಂದಿಷ್ಟು ಜನ ನಿನ್ನೆ ತಗೊಂಡ ಇಂಜೆಕ್ಷನ್ (ವ್ಯಾಕ್ಷಿನ್) ನಿಂದ ಎನೆಲ್ಲಾ ಕಷ್ಟವಾಯಿತು ಅಂತ ವಿವರಸ್ತಾಯಿದ್ರು. ಇದರ ಮದ್ಯದಲ್ಲೇ ಪಿ.ಎಪ್ ವಿಚಾರ ಬಹಳ ಜೋರಾಗಿ ಕೇಳಿಬರುತ್ತಿತ್ತು. ಮುಂದೆ ನಿಂತಿದ್ದ ಗಂಡಸಿನ ಹತ್ತಿರ ಬಂದು ಅವನ ಹಿಡಿದು ಕೊಂಡಿದ್ದ ಮಷಿನ್ ಅಲ್ಲಿ ಹೆಬ್ಬೆಟ್ಟು ಒತ್ತಿ ಹೊಗುತ್ತಿದ್ದರು. ಇವಳು ಸಹ ಮುಂದೆ ಬಂದು ಅಟೆಂಡೆನ್ಸ ಹಾಕಿ, ಇವತ್ತಾದರು ಪಿ.ಎಪ್ ಮಾಡಿಸಿಕೊಡು ಅಂತ ಒಂದು ಸಾವಿರ ರೂಪಾಯಿ ಅವನ ಜೇಬಿನೊಳಗೆ ತುರುಕಿದಳು. ಅದಕ್ಕವನು ನಿನ್ನ ಮೇಲೆ ಕಂಪ್ಲೆಂಟ ಇದೆ ಆಮೇಲೆ ಸಿಗುತ್ತೆನೆ ಎಂದಿದ್ದಕ್ಕೆ ಅವನ ಮನೆ ಮುಂದೆ ನಾನು ಕಸ ತೆಗೆಯುದಿಲ್ಲ ಅಂತಾ ಜೋರು ಮಾಡಿ ಕೆಲಸಕ್ಕೆ ಹೋದಳು. ದಾರಿ ಕಸ ತೆಗೆಯಬೇಕಾದರೆ, ಯಾಕೆ ಗಂಡನ ಮನೆಗೆ ಹೋಗುದಿಲ್ಲವಾ? ಅಂತ ಕೇಳಿದ್ದಕ್ಕೆ ಮುಖ ಸಿಂಡರಿಸಿಕೊಂಡು ಇನ್ನೊಂದು ಕಡೆಯಿಂದ ಕಸ ಗುಡಿಸಲು ಹೋದಳು.  ಕಳೆದ ವರ್ಷ ಎಷ್ಟು ಆರಾಮವಾಗಿತ್ತು, ರೋಡಿನೊಳಗೆ ಜನಗಳೇ ಇರುತ್ತಿರಲಿಲ್ಲ  ಇವರು ಆಕಡೆ ಈಕಡೆ ಓಡಾಡಿಕೊಂಡಿದ್ದರು.  ಅವಾಗ ಹೋಗುವುದಕ್ಕೆ ಬರುವುದಕ್ಕೆ ಕಷ್ಟವಾಗುತ್ತೆ ಅಂತ ಗಂಡನ ಮನೆ ಬಿಟ್ಟು ಬಂದವಳು ಮತ್ತೆ ಆ ಕಡೆ ತಲೆ ಹಾಕಿರಲಿಲ್ಲ.  ಇದೇ ಸಮಯದಲ್ಲಿ ಒಂದು ಬೆಳಗ್ಗೆ ಕೆಲಸ ಮುಗಿಸಿಕೊಂಡು ರೋಡಿನ ಕ್ರಾಸಿನಲ್ಲಿ  ದೋಸೆ ತಿನ್ನುವಾಗ ತಲೆತಿರುಗಿ ಬಿದ್ದಿದ್ದಳು.  ನಾಲ್ಕು ಮಂದಿ ವಿಚಾರಿಸಿದಾಗ ತಿಳಿದಿದ್ದು  ಮಗನ ತಲೆಗೆ ಪೆಟ್ಟಾಗಿದೆ,  ಇವಳಿಗೆ ಅರ್ಜೆಂಟಾಗಿ ಫೋನ್ ಮಾಡಿದ್ದಾರೆ. ಹಂಗೋ ಹಿಂಗೋ ಮಾಡಿ ದಾರಿಯಲ್ಲಿ ಪೊಲೀಸರಿಂದ ತಪ್ಪಿಸಿಕೊಂಡು ಸೇರುವುದರೊಳಗೆ ಎಲ್ಲ ಮುಗಿದಿತ್ತು.  ಎಲ್ಲರೂ ಅವನನ್ನು ಥೆಟ್ ಗಾಂಧಿ ತರಾನೇ ಕಾಣಿಸ್ತಾನೆ ಅಂತ ಹೇಳ್ತಾ ಇದ್ರು.  ಈಗ ಅವನು ಇಲ್ಲ  ಮೊಬೈಲ್ ಒಳಗೆ ಮಾತ್ರ ಅವನ ಫೋಟೋ ಇದೆ.  ಅದನ್ನೇ ನೆನಪಿಸಿಕೊಂಡು ದಾರಿಯ ಎಲ್ಲ ಕಸಗುಡಿಸಿ ಮುಗಿಸಿದ್ದಳು. ಈ ಕಡೆಗೆ ಯಾಕೆ ಗಂಡನ ಮನೆಗೆ ಇವಳು ಹೋಗುವುದಿಲ್ಲ ಅಂತ ಹೇಳಬೇಕಾದರೆ ಅವಳಿಗೆ ಫೋನ್ ಬಂತು.  ಬಹಳ ಹೊಟ್ಟೆ ಹಸಿವಾಗಿದೆ ಜಲ್ದಿ ಊಟ ತೆಗೆದುಕೊಂಡು ಬಾ ಅಂತ, ಸ್ವಲ್ಪ ದಿನದ ಹಿಂದೆ ಜೊತೆಯಾಗಿ ಕೆಲಸ ಮಾಡುವವಳಿಗೆ ಏನು ತೊಂದರೆ ಅಂತ ಹಾಸ್ಪಿಟಲ್ಗೆ ದಾಖಲೆ ಮಾಡಿ ಬಂದಿದ್ದಳು. ಜೊತೆಗಾರರಿಗೆ  ಅಲ್ಲಿ ತನಕ ಕಸ ಮಿನಿ ತೆಗೆದುಬಿಡು ಎಂದು ಹೇಳಿ,  5 ಊಟ ಪಾರ್ಸೆಲ್ ಮಾಡಿಸಿಕೊಂಡು ಆಸ್ಪತ್ರೆಗೆ ಹೋದಳು.  ಅಲ್ಲಿ ಅವಳ ಅಮ್ಮ ತಂಗಿ ಮತ್ತು ಗಂಡ ಎಲ್ಲರೂ ಸಾಲಾಗಿ ಪಕ್ಕದ ಬೆಡ್ ಮೇಲೆ ಕುಳಿತಿದ್ದರು.  ಯಾರು ಸಹ ಒಂದು ಬಿಸ್ಕೆಟ್ ಪ್ಯಾಕೆಟನ್ನೂ ಸಹ ತರದೆ ಇದ್ದದ್ದನ್ನು ಗಮನಿಸಿ ಸಮಯ ನೋಡಿಕೊಂಡು ಜಾಗ ಖಾಲಿ ಮಾಡಿದಳು.  ನಿನ್ನೆ ಮನೆಕೆಲಸಕ್ಕೆ ಹೋಗಿಲ್ಲ, ಮನೆಯ ಮಾಲಕಿ ಏನು ಎನ್ನುತ್ತಾಳೆ ಅಂತ ಯೋಚನೆ ಮಾಡಿಕೊಂಡು  ಮನೆ ಸೆರೋದ್ರೊಳಗೆ  ಬಹಳ ಲೇಟ್ ಆಗಿತ್ತು. ಮೂಲೆಯೊಳಗೆ ಎರಡು ದಿನದ ಬಟ್ಟೆಗಳನೆಲ್ಲಾ ಗುಡ್ಡೆ ಹಾಕಿದ್ದರು ಅದನ್ನೆ ತೆಗೆದುಕೊಂಡು ಮನೆ ಕೆಲಸ ಮುಗಿಸಿ,  ಮನೆಗೆ ಬಂದರೆ ಬೆಳಗ್ಗೆ ಮಾಡಿಟ್ಟಿದ್ದ ಅಡುಗೆಯೆಲ್ಲಾ ಖಾಲಿಯಾಗಿತ್ತು. ಬಾಂಡಲಿ ಗಳನ್ನೆಲ್ಲ ಬಚ್ಚಲುಮನೆಯಲ್ಲಿ ಗುಂಡಿ ಹಾಕಿದ್ದರು.